《溏心3》人氣急升後無工開 唐文龍自爆要求高狂推Job (娛樂) 2018/04/26 頭條日報 Headline Daily - 頭條網 闊別TVB十一年，48歲的唐文龍(Michael)回巢拍《溏心風暴3》演「偷食」賤男，同第三者陳敏之嘅激情床戲在討論區被洗版，人氣急升，事業由谷底大翻身。但事隔3個多月他竟然大呻失業中：「不得不承認《溏心3》後對選擇角色、劇本方面取捨係嚴格咗，要質素好，有得發揮。」 採訪：方騫平 場地：觀塘帝盛酒店 最近上映的電影《愛比死更冷》是唐文龍3年前的作品，經兩次補拍才在香港上畫。片中他演被繼女唐瑞雪復仇的澳門黑幫大佬，和繼女男友周國賢有埋身肉搏場面：「呢套戲講人性內心嗰種恨，新晉導演何飛好有心，好執着鏡頭擺位。我同周國賢對打交手，佢都有小小身手嘅。」 他坦言挾着《溏心3》餘威係多咗商演活動、小型廣告及片約機會：「不過好無奈大部份電影角色都係唔啱我做，所以差不多推晒，唯一8月可能接拍一部香港電影。原先4月內地有兩個Job，但全部推遲到7月。現階段冇工作固然失落，正好可以把握時間填補平日想做而冇時間做嘅事，換個角度睇，柳暗花明並非壞事。所以呢期我練返功夫同詠春充實自己，亦好幸運重新發展自己生意，開始着手做服裝設計品牌。」Michael諗唔到《溏心3》後竟會變成失業大軍，他苦笑說：「世界係有得有失嘅，呢啲係慎選劇本嘅後遺症，O依家我會先睇角色有冇發揮，係咪適合我同對事業有冇幫助為大前題，考慮得比以前多，就算見財化水都冇辦法。」

via 頭條日報 Headline Daily - 頭條網 https://ift.tt/2Fhlwc8