唔介意包演「高富帥」 袁文傑：最緊要夠入屋 (娛樂) 2018/03/27 頭條日報 Headline Daily - 頭條網 袁文傑最近在《果欄中的江湖大嫂》演區議員「柯振北」，相隔多年再跟ATV老拍檔陳煒合演情侶，他好開心埋位已有默契。對於繼「游生」後再演「高富帥」角色，他認為最緊要夠入屋，不過亦預告將有反派角色登場。談到已向女友張潔蓮求婚成功，但他跟女友都想低調成婚，而兩人亦有共識不生B。 採訪：杜淑霞 場地：重慶劉一手火鍋 在《果欄》中雖然袁文傑戲份不多，但勝在角色夠突出，仲要難得再跟煒哥合作，「今次同煒哥再演一對，真係好開心，咁多年冇合作，一埋位默契就返晒嚟，今次佢追我嗰啲戲份都幾搞笑㗎！觀眾應該會記得同埋鍾意嘅。」 婚後不生B 對於經常被派演「高富帥」，袁文傑不怕被定型，「其實『游生』嗰時戲份都唔算多，但個角色夠出，大家就會記得，所以真係唔怕啲角色好類似，最緊要夠入屋，講真『游生』呢個角色帶畀我好多嘢，依家連小朋友都識得我，況且嚟緊我會有啲反派角色出街，希望大家睇到我另一面。」 談到向女友張潔蓮求婚成功，但他還未定好結婚形式，「本嚟我同女友都想低調啲就算，但係身邊啲朋友比我仲興奮，個個都叫我搞大佢，好似陳啟泰同張文慈佢哋又話要做司儀，所以O依家仲諗緊。」不過講到造人大計，49歲的袁文傑和女友有共識不生B，「都快50歲，況且有能力去幫多啲其他人仲好啦！」

via 頭條日報 Headline Daily - 頭條網 https://ift.tt/2I6nmys