做女僕「主人」 軒仔日本開餐呻 (娛樂) 2018/05/05 頭條日報 Headline Daily - 頭條網 張敬軒早前與電台DJ細So到日本的「女僕餐廳」朝聖，他前晚在社交網分享做女僕「主人」相片，笑言食餐飯好似飲咗四餐茶咁攰！ 近日忙於籌備6月紅館個唱的張敬軒，早前與細So到日本做直播節目，抽空去幫襯「女僕餐廳」。前晚軒仔將「初體驗」過程相片上載到社交網。 軒仔說一入餐廳，女僕即大嗌：「我哋嘅主人嚟啦！」點完飲品後，女僕捧住食物出嚟，軒仔笑言：「畀我唞吓得唔得，Very tired。」女僕卻誤當軒仔「好肚餓」，要他們一齊唸咒語令食物注入「愛」兼擺可愛甫士，但要睇完歌舞表演先有得食！其間巧遇余安安，軒仔搞笑道：「我哋即刻要變男僕呀！ 」安安就老實不客氣說：「服侍我啦！」當離開女僕餐廳後，軒仔再度呻：「真係好攰！」

via 頭條日報 Headline Daily - 頭條網 https://ift.tt/2FKwzea