海賊王: 13歲囡囡好識做琦琦母親節收鑽飾 (娛樂) 2018/05/01 頭條日報 Headline Daily - 頭條網母親節就到，琦琦囡囡，13歲的任晴佳（Ella）好識做，日前同媽媽去揀鑽飾，小妹妹見到閃令令飾物好開心，佢亦揀埋一份，不斷試戴各款飾物，對幼身戒指特別有興趣。以往的母親節，Ella曾送花或親手做的蛋糕及朱古力曲奇畀媽咪，親手寫的母親節卡當然唔少得，而今年則會同父母、祖母及外婆三代同堂食飯，講講吓忍唔住對琦琦說：「媽媽，I Love you。」場面超溫馨！　　囡囡冧完琦琦，做阿媽嘅大讚女兒乖巧孝順，送甚麼禮物也開心，就算係一支花亦高興，更揚言每天都是母親節。她坦言享受同囡囡一起行街購物嘅親子時光，又指個性文靜的女兒能大方面對鏡頭跟媽媽合照，那份自信及突破已是最好的母親節禮物。問到有否送過鑽飾給女兒？琦琦不諱言囡囡生日時曾送過鑽飾，但女兒只將之收藏，不會刻意炫耀，好識諗。