難忘首次南極行 李純恩天公做美遇靚景 (娛樂) 2018/04/25 頭條日報 Headline Daily - 頭條網 李純恩早前主持的旅遊節目《世界奇影》，已在J2作全球首播，節目中他會帶觀眾去到多個世界聞名靚景，兼分享攝影心得。當中最難忘要數首次踏足的南極，他預期這個極地行會相當艱辛，只因他坐船易嘔，怎料天公做美，日日好天氣，他不單精神爽利，仲影到難得一遇的靚相。 撰文：杜淑霞 攝影：李維隆 不說不知，原來這個節目最初只因一個南極旅遊機會展開，李純恩解釋：「當初係有贊助商邀請我去南極玩，既然難得去到南極，不如拍啲嘢返嚟，幸好贊助商準備了10位，後來再度不如多去幾個地方做一個旅遊節目。」 挑戰另一極地 這次是李純恩首次到南極，更做足身體不適準備，「我本身坐船去澳門，大浪啲都會嘔，所以預咗坐破冰船都會唔舒服，點知我全程10日食咗兩次藥咋！導遊都話今次風浪算好細，同埋平日大部份時間都係陰天，好少有咁好天氣，我哋可以見到日出日落仲有晚霞嘅靚景，真係好幸運。」 節目中李純恩仲去了非洲坦桑尼亞睇動物大遷徙、美國亞利桑那州的羚羊峽谷、柬埔寨的吳哥窟和以色列的耶路撒冷等，每個地方都各具特色，他更先後去過5次吳哥窟，「我仲想再去㗎！每次去影相都覺得有唔同嘅靚。」問到仲有咩地方想去，他就笑言：「仲有好多，不過去完南極，梗係想去埋北極啦！」

via 頭條日報 Headline Daily - 頭條網 https://ift.tt/2qWKLvm