專一好男人 對住D奶王曼喜開餐 胡子彤 眼中只有女友鎧淳BB (娛樂) 2018/04/03 頭條日報 Headline Daily - 頭條網 25歲泳壇美人魚歐鎧淳，同一樣25歲嘅棒球運動員兼上位演員胡子彤拍拖年幾，有傳美人魚專心參加埋今年亞運後就退役等嫁。日前晚上，呢對年輕拖友連體去銅鑼灣晚飯，當晚飯局多咗個惹火電燈膽、鎧淳BB嘅好友王曼喜（Kayla）。低胸Kayla露出上半球，對正「棒球小子」開餐。但子彤全程視而不見，只識開心斜望勁Pure嘅女友仔，中晒鎧淳BB降囉！ 歐鎧淳自2016年於巴西里約熱內盧奧運擔任港隊持旗手，清純外貌被捧為「仙氣美人魚」，女神挾住人氣半隻腳踩入娛圈，成活動、廣告新寵兒。去年，鎧淳BB首次參演電影《春嬌救志明》即有份競逐第37屆香港電影金像獎「最佳新演員」，同去年憑電影《點五步》成為金像獎「最佳新演員」嘅男友星途相若。 惹火電燈膽 胡子彤拎新人獎後，拍片無停手。早前拍咗網劇《守護神》、港台劇《火速救兵4》，仲有拍住古天樂、劉青雲主演《明日戰記》。不過，上位子彤唔使開工一定箍實女神女友。日前晚上，戴咗頂闊邊帽、好鬼搶眼嘅子彤約咗靚女友去銅鑼灣dinner。當晚唔係兩人撐枱腳，而係三人行，席間仲有鎧淳BB嘅好友、王敏德大女王曼喜。26歲嘅鬼妹仔Kayla一向作風豪放，又大膽承認「出櫃」，衣着亦好open，當晚低胸露半球好少事啫！見三人往希雲街一食店歎台灣菜。鎧淳BB陪Kayla並排坐，好姊妹有傾有講都無冷落男友嘅，三人言談甚歡，兩女不時笑到瞇眼，睇得出子彤好識o氹女仔囉！雖然有D奶Kayla對坐養眼開餐，但子彤眼中只有女友，一味冧望女友仔，睇嚟真係拍得住當年「七愛」林峯，好愛好愛好愛鎧淳BB囉！ 採訪 : 梁志明

via 頭條日報 Headline Daily - 頭條網 https://ift.tt/2GKDxo2