首場Show被感動喊三次 黎瑞恩瘦身唔瘦胸曬成果 (娛樂) 2018/04/07 頭條日報 Headline Daily - 頭條網 一連兩場「黎瑞恩感恩有你演唱會2018」前晚在紅館開鑼，好多圈中人如昔日同門周慧敏、湯寶如及蔡一傑等捧場，譚詠麟及杜麗莎更擔任首場嘉賓。相隔16年再開Show，小恩子因為太感動而喊咗三次。 小恩子之前因為患乙型流感而瘦咗10磅，雖然瘦咗但上圍仍然有睇頭。當晚一套藍色大Deep U誇張傘裙可見小恩子瘦身唔瘦胸嘅成果，有觀眾大叫「流鼻血」，小恩子說:「唔好意思，做咁低做乜鬼？」 阿倫以一身「踢死兔」出場，又拖住小恩子跳舞。而杜麗莎則對小恩子說:「我講咗好多年，你唔唱歌真浪費，唱歌咁好聽，唔唱好大罪。」另小恩子唱《活得比你好》時忍唔住流淚，台下有人大叫加油。之後她與9位認識了30多年的好友，同時也是當年「屯門兒童合唱團」成員在台上合唱，小恩子再被友情感動而落淚。直到最後唱出演唱會最後一曲《一人有一個夢想》時又忍唔住喊。

via 頭條日報 Headline Daily - 頭條網 https://ift.tt/2IB1ag5